A
hmun :
Saikah, Thantlang peng
A
caan :
1953 March 5-8
U
le nau Saikah khua Civui tuahnak kong cu tlingte in ttial ka duh ko nain a bia
a tamtuk lai caah a tawi khawhnak chung in ka van ttial.
Hi
Civui chung i pumhnak chung Civui uktu
Pastor cu Pastor Sang Fen a si. A bawntu Pastor Van Lo a si. Hi lioah hin
Saikah khua cu inn (60) tluk an si. An dihlak dengmang in Khrihfa ti awk an si.
Hi lio Pathian a bia lomi hi minung 69 lawng an si. Saikah khuami nih Civui
tuahnak ah an i tuakning ahcun minung (3000)
hrawng tlung dingin timhtuahnak an ngei, hi bantuk in Pathian caah
zumhnak an ngei. Khual tampi an tlung kho lo. Khual a tlungmi dihlak 1267 an si
i Saikah khuami hi 1545 an si. Khual a tlung mi vialte tihal rawltam in an um
lo i khuami cungah kan lunglomhnak kan chim cawk lo.
Khual
a tlungmi hna hi kan mah Lairam mi lawng si loin Mizoram ( Lusei ) kan unau
zong tampi an tlung ve. Bualpi khuami tampi an tlung i Mizo hi 100 hrawng an
tlung, hla zong an remh ve hna. Matupi lei in 12 an tlung. Kanpalet Say ate le
Thado lei Saya te zong an tlung ve i Saikah tiang phanhnak ah ni (13) an rau.
Hi
Civuipi pumh lio i bia an ceihmi cu Zomi Baptist Convention kong le Baibal
siangin kong a si. Zomi Baptist Convention kong cu bia khiah i cu kong cu phung
in cauk hmete in tuah a si lai i khuakip Khrihfa umnak paoh nih uk khat cio nan
ngeih ah a tha lai an ti.
1953
kum May thla convention Falam ah a um tthan lai i cu tikah cauk cu nan cawk lai
an ti hna. Cun hi phung tuahnak cu kum 2 maw kum 3 chung cu a chiat a that
hngalh ah a phung bantuk in zulh awk a si lai. Cu hnu cun tuah tthan a si te
lai i a ttha lo hrawh khawh a tthami
chap khawh lengmang a si rih lai. Cun Baibal sianginn hmun cu temporary tuahnak
hmum a ttha tein hngalh khawh a si rih
lo. Cun Baibal a cawng dingmi cu ( Zo ca ) Lai ca tang 4 a awng mi a si lai .
Cun a kum 2 nak ahcun tang 4 awng cu kan duh ti lai lo. A cawngtu ding cu ram
upa Sayate nih an thim lai i pakhat nih Mucih ( US 2) in a tlawm bik bomh a si
lai. Tu kum 1953 bawmhnak phaisa cu April dih hlan ah Pastor Thanga sin ah nan
kuat dih lai.
Civui
ni 3 pumhnak chung i phungchimtu hna cu Thla 5 n I 9:30 am caah Saya Lung Cung
Nung a si. Baibal ca a rel mi ICor. 2:25-26 a si. Thlacamtu Pastor Than Sai a
si. Hlaremh tu Saikah, Bung khua, Ruabuk nih hla an remh. Zan pumh 7:00 pm
pumhnak ah Pastor That Dun a si. Hlaremhtu Thingsai ( Mizo ) Bungtlang le
Farrawn an si.
Cun
a ni 6 nak pumhnak phungchimtu cu Pastor Heng Cin a si. Baibal a rel mi
Biathlam 3:7-11, Thlacamtu Pastor Thanga. Hlaremh Tikir, Salen, Hmunlipi an si.
Zan 7:00 pm ah phungchimtu cu Pastor Mang Kham a si. Baibal a rel mi Salm
3:1-3, Thlacamtu Khamh Kaw Khai a si. Hlaremh Lungler le Hriangkhan an si.
Cun
ni 7nak pumhnak ah Phungchimtuk Pastor Za Ling a si. Baibal a rel mi cu Gen.2
chung a rel. Minung kan nunnak cu Pathian thaw peknak in a si. A tha ngaingai.
Thlacamtu le hlaremnhtu zong an um.
Ni
8nak a ni 3nak zarhpi ni a si i phungchimtu cu Rev. S.T Hau Go a si. Baibal a
relmi Matt.23:1-12 le a hme 8 hi a si.
Thlacamtu Pastor Cin Khan Ngin a si. Hlaremhtu Salen, Hminlipi le Farrawn an
si. Zan 7:00pm ah Pastor Lan Hnin nih phung a chim. Baibal a relmi Matt 6:20-21, Rom 8:9-10 a si. Thlacamtu Saya
Hai Mang asi. Cun ttian lai zan pumhnak cu 7:00 pm in thok a si i, hlaremhbu
tampi nih hla an remh. Hmunlipi, Farrawn, Thingsai, Tikir, Salen, Bungtlang,
Leitak an si. Saikah khua nih khual vialte thlahnak hlaremh dawh in an thlah
hna.
Thla
ni 9 cawn ni (1) ni cu siang lo buin damte tiin Saikah khua chuaktak in kan i tthen
i khua lei panh in kan i tthen cio.
Note: Hihi a ho cakuat a si cu ka thei lo.. Nain khua tuanbia ah khumh a tlak ka ti caah kan blog ah ka chiahnak a si....
No comments:
Post a Comment