Rawl Nei

Saikah khua tlaknak in Rawl ngei deuh tiah ruahmi minung pawl hna cu a tanglei hna hi an si.

Pu Hulh Ling (Bawkkheng): Pu Hulh Ling hi a mah chan chung cu rawl a nei zungzal ti khawh a si. Khuami hna zong nih kan ibochan ngaimi le rawlcawi a samh zungzalmi a si. Kum (25) chung a peh bakin phur 100 a ngei lengmang mi pa a si.

Pu Mang Nawl (Lungumm) : Pu Mang Nawl hi Pu Hulh Ling he chimkem lengmang mi a si ve. An rawl samh zat zong ai khat ko tiah mi cheu nihcun an ti. Khuami nih bochan ngaingai mi pasaltha a si.

Chan Rawl (Thangnget) : Pu Chan Rawl  hi a chan chungah Rawl a ngei pengmi a si ve. Rawlcawi samh zong a tuah ve mi a si. Khuami kan harsat caan ah a kan phitkhartu kan pa/pu pakhat a si.

Thio Err (Lungumm):  Pu Thio Err hi  catialtu kanmah theih tiang rawl a ngeimi a si. Khuami nih kan ibochanmi khuami kan harsatnak a kan phitkhartu kan pa pakhat a si.

 Pu Buan Hrang (Lungumm): Pu Buan Hrang hi a tutiang a kan nunpi rih. Caan saupi chung rawl tampi a ngei. Tlanglo tuah lawng si loin Nel a ngei khuachel ahcun Tin thong deng tiang a ngei khomi a si. Khuami khuadang rawlphiar hau loin a kan tuah pinah khuaching chan zong nih a rawl an ei mi pa a si.