SAIKAH KHUA NIH CHUNH THAH KAN RAK HMAN TAWN NING

Chunh thah hi hlan deuh ahcun sungsai ngai in le a ningcangte in kan rak hman hna. Tahchunhnak ah Bawite hna ahhin an chunh thah ning ahcun tlangzuan ah Sia zuanchunh ah Sia, Bawi reu ah vok pahnih chia reu ah vok pakhat thing saah vok, khuangkung ah vok ti bantuk in a dang hna zong tampi a um rih lai. A sinain a tuchan ah kha bantuk kha kan upat ti hna lo I, kan hmang ti lo. Kan phun kan laam mi cu kan hlawt hna awk asi ko I a ttha ko mi tu cu kan zulh pen gawk a si ko. A tu I kan langh ter duhmi tu cu Saikah khua I an rak hman tawnmi chunhthah phun kha an si.

BAWI

Bawi hi an sunsak ngai mi asi I mi tam pi an bawi khawh lo mi asi, a tlawm bik ah Sia (2) le Vok thah a hau ( 5) thanh ahau. A that kho caah cun hi nak tam pi an thah tawn ko.

SAFIM

Safim hi Cakei lu hi fimmi cu a si. A tlawm bik Sia le Vok pahnih talc un fim a hau. Salufim hi nithum chung a si.

1.Salulaak

2.Thingphan ni

3.Lamserh ni : Lamserh ahhin Sia le Vok in serh khawh a si I an nupi le nih thihtakmi hna an pale nih an hman tawnmi a si.

FANU-AH: Fanu-ah an timi cu an fanu le va an ngeih tikah sa tampi thahpiak a si ko. An hmanning cu sia pakhat hi thau nga an ti I caw pakhat hi thauthum an ti. Cu tic un Thau nga in a cunglei paoh kha “Ah” an ti I a fanu va a ngeih ah tha cu zat in a “ah” ti kha an upatmi cu a si caah a tam lei paoh in izuam a si ko.