SAIKAH KHUASAKNING

Saikah khua cu an rak tlakka in Peng le tlang nih theih awk tlak mi tampi an um lo nain, mah le khuachung ah cun bochanmi ngeih cio a si bangin anmah tawk in bochanmi an ngei ve ko hna. Pakhat le pakhat ai nawlthiam ngaimi le aidaw ngaimi an rak si. Sifak santlai lo deuh zong a ngei deuhmi nih i zohkhenh le i bomhchanh a si ko nain, santlailo deuh zong ningzak le hmai zum in an tuahbal hna lo.

Hi zawnah an bia tleih cu “cupi cu te vai ti hlah uh” tihi a si. An chim duhmi cu, Minung hi a nei zungzal lai a si a fak zungzal lai ti chim khawh a si lo caah hmai hngal in ka um awk asi lo ti kha a si. Hi bantukin an lungput a si caah rawl a ngeimi hna zong nih a nei lomi hna kha kan inn ah rawl a um lio te a si i kum vui ah nan kan chamte lai tiah rawl cawi an rak samhpiak tawn hna.

Hi bantuk in rawlcawi a samhtu hi an um pah ko hna nain kumfa tin ti awk in a samh khomi le khuami nih an ibochanmi hna lawng kan van langhter lai.

RAWL NGEIMI

Pu Hulh Ling: Pu Hulh Ling cu amah chanchung ahcun rawl a ngei zungzal ti khawh a si. Khuami hna zong nih kan ibochan ngaimi le rawlcawi a samh zungzal mi  a si. Kum 40 chung a peh bak in Phur 100 a ngei lengmang mi pa a si.

Pu, Mang Nawl: Pu Mang Nawl hi Pu Hulh Ling he chimkem lengmang mi an si i an rawlcawi samh zong ai tluk ko tiah an timi a si.

Pu Buan Hrang: Pu Buan Hrang hi rawl ngei pengmi a si. Rawk cawi a samhnak kongtu cu kan theihmi a um lo.